لما بنت ترفضك!!
هاد مش معنى انها هي على علاقة مع شب تاني أو في حدا بحياتها!
هاد مش معني انها هي مش عم بتفكر باللإرتباط!
هاد مش معنى برضو انه في حدا ببالها!
و برضو مش معنى انها معقدة و ما بدها تتعرّف على حدا!
و برضو مش معنى انها البنت مالها اشي و ما بدها حد يعرفو!
عااااادي عااادي جدا! انه تكون انت! اه اه انت شخصيا مش عاجبها! انت شخصيا مش ضمن اختياراتها و هي حرة! ما بدها ترتبط بواحد زيك!و مش ضروري تقعد تحكي عليها و تعلق عليها لأنها ببساطة رفضتك! عادي جدا تأقلم مع الموضوع و دور على حدا يناسبك!
بس الحق مش على الشباب! الحق على المجتمع اللي اتربي في شبابنا! اللي أقنع كل واحد فيهم أنه هو شهريار زمانو و إنه هو على كل العلل اللي فيه! أي وحدي بتتمنى لأنه هو زلمة! و البنات كلهم رح يتمنوا يرتبطوا في لأنه البنت لازم تتزوج هيك هيك و البنت هي اللي لازم تتنازل و البنت حتى لو دكتورة أو مهندسة أو محامية! ما بصير تضل من غير زلمة!! لأنه على قولة المثل "ضل راجل و لا ضل حيطة" .
و بالآخرهي رفضتك مش لأنك سيئ و لا لأنها كذا و كذا و .....!هي رفضتك,لأنك انت ما بتناسبها!
ليست هناك تعليقات:
إرسال تعليق